ہک دن میں پیا دل وچ روواں ہتھوں جرم خطائیں ھو
آکھاں کملی والیا سائیاں عرضی نہ ٹھکرائیں ھو
میں ڈبیا دریا گناہاں پیراں توں سر تائیں ھو
بخشش جوگا مول نہ رہیا حدوں ودھ خطائیں ھو
ساہواں دے مکن تھیں پہلاں آ دیدار کرائیں ھو
پہلی رات قبر دی میری مکھ دا نور وسائیں ھو
کوثر پیالہ پاکاں والا مینوں گھٹ پلائیں ھو
جد اعمال ترکڑی تلسن جھات کرم دی پائیں ھو
میں ڈرساں میرے کول کھلوویں چھڈ کے دور نہ جائیں ھو
عمل کچججے پینڈے لمے ڈگدی نوں گل لائیں ھو
رحمت والا ہتھ لمیاری پل صراط ٹپایئں ھو
حضرت بولے عاصی بندیا روگ نہ دل نوں لائیں ھو
ہتھ میرا تیری کنڈ تے رہسی حشر دہاڑے تائیں ھو
ہو سکی تے سال دا پھیرا شہر مدینے پائیں ہو
بوہا میرا نہ چھوڑیں میرے بوہے تے آئیں جائیں ہو
ہلسن ہونٹ شفاعت میرے تھیسن رد بلائیں ہو
توں کیوں روویں توں کیوں چیکیں میں ہاں تیرے تائیں ہو
میں جاناں میرا مالک جانے ایویں نہ گھبرائیں ھو
ہن کی خوف نصیر مینوں میرا جیوے سر دا سائیں ھو
چراغ گولڑہ پیرسید نصیر الدین نصیر گیلانی رحمتہ الله علیہ
کوئی تبصرے نہیں:
ایک تبصرہ شائع کریں